2023 жылдың 12 мамыр күні М. Өтемісов атындағы Батыс Қазақстан университетінде дәстүрлі университетішілік «Оқытудың инновациялық технологияларын енгізу» байқауы өтті. Оқытушылар оқытудың тиімділігін арттыру мен білім беру бағдарламаларын оқу-әдістемелік тұрғыдан қамтамасыз етуде оқытудың инновациялық технологияларын оқу сабақтарында қолдана отырып, инновациялық педагогикалық тәжірибелерімен бөлісті. Жоба жеңімпаздары 1-дәрежелі дипломмен Құрмекеш Әділет Дәулеткерейұлы, 2-дәрежелі дипломмен Ерболат Балмира Ерболатқызы, 3-дәрежелі дипломмен Куспанова Айгерим Жалғасовна марапатталды. Жеңімпаздарға университет басшылығының атынан қаржылай сыйлықтар және кәсіподақ ұйымының атынан гүл  шоқтары табысталды.