🏛️ Бағдарлама аясында М.Өтемісов атындағы Батыс Қазақстан университетіне 2023-2024 оқу жылына бөлінген грант саны - 10. Мамандықты талапкердің өзі таңдайды, мамандықтар бойынша шектеу жоқ. Грант екінші жоғары білім алуға берілмейді.
⏳Өтініш беру мерзімі: 10-17 тамыз.
📑Құжаттарды жоо-лардың қабылдау комиссиялары арқылы тапсыру керек.
💻Алдымен бұл бағдарлама бойынша кімдер конкурсқа қатыса алатынын айта кетейік:

👆Ағымдағы жылы ҰБТ тапсырған (қаңтар, наурыз, негізгі және тамыз ҰБТ сертификаттарының бірін ұсынуға болады) және жоо-ға түсу үшін шекті балдарды жинаған түлектер:
✔️ауылдық жерлердегі, шағын және моноқалалардағы жағдайы төмен отбасылардан шыққан тұлғалар;
✔️жетім балалар немесе кәмелетке толғанға дейін ата-анасының қамқорлығынсыз қалған балалар;
✔️мүгедектігі бар азаматтар;
✔️мүгедек балаларды тәрбиелеп отырған отбасылар;
✔️2022 жылғы қайғылы қаңтар оқиғалары кезінде қаза тапқан ҚР азаматтарының балалары;
✔️2022 жылғы қайғылы қаңтар оқиғалары кезінде жараланған балалар;
✔️төтенше жағдайлар кезінде зардап шеккен Қазақстан Республикасының қаза тапқан азаматтарының балалары.

✨ Грант бакалавриат бағдарламалары бойынша оқудың барлық кезеңін қамтиды. Оқу құны бойынша шектеме әр студентке 1 млн теңгеге дейін құрайды, егер студенттің жылдық оқу құны осы сомадан жоғары болса, онда айырмашылықты студенттің өзі төлейді.

✉️ Грант иегерлеріне жазғы демалыс кезеңін қоспағанда, 10 ай ішінде (жыл сайын) 40 000 теңге мөлшерінде шәкіртақы төленеді. Қор бөлетін гранттар – өтеусіз, қайтарымсыз көмек, грант иеленушінің оқу аяқталғаннан кейін Қор алдында міндеттемелері болмайды.

📌 Толық ақпарат qazaqstanhalqyna.kz сайтынан білсеңіз болады.