М.Өтемісов атындағы БҚУ-ға «Заң және тәртіп» қағидамасын ілгертуге бағыттталған іс-шаралар аясында Астана қаласы прокуратурасының Мемлекеттік айыптауды қолдау және апелляциялық істерге қатысу басқармасының бастығы Аймағанова Айжан Талғатқызы арнайы келіп, тәжірибесімен бөлісті. Кездесу барасында:

• Алқабилер қатысатын соттардағы айыптаудың нақты қалай жүргізілетіні;
• Жүйеге енгізіліп жатқан ақпараттық өзгерістер;
• Құқық қорғау саласындағы қазіргі трендтер;
• Болашақ заңгерлерге қажет кәсіби кеңестер мен бағыттар сөз етілді.

Болашақ сала мамандары атанбақ студенттер сұрақтар қойып, тәжірибеде болатын жағдайлар туралы пікір алмасты. Нақты мысалдар, өмірдегі жағдайлар, кәсіби көзқарас — бәрі ашық айтылды.

Бұл кездесу жастарға не берді?

— Кәсіби көзқарасты кеңейтеді

— Заңды дұрыс түсінуге көмектеседі

— Практикаға жақын ойлауды қалыптастырады

— Прокуратура мамандарымен тікелей байланыс орнатады

БҚУ заң саласына қызығатын студенттерге сапалы білім беруді ғана емес, шын өмірдегі құқықтық ортаны сезінуге мүмкіндік жасауды жалғастырады.