М. Өтемісов ат. БҚУ Қазақстандағы алғашқы peer-to-peer жасанды интеллект мектебі - Tomorrow School кампусы өз жұмысын бастады.
Tomorrow School - бұл қатысушылардың тәжірибелік жұмыс, жобалық қызмет және өзара оқытуына негізделген заманауи білім беру моделі.
Оқу толықтай практикаға бағытталған: студенттер нақты тапсырмалармен жұмыс істейді, бағдарламалау және жасанды интеллект дағдыларын дамытады, сондай-ақ цифрлық экономикада сұранысқа ие құзыреттерді қалыптастырады.
Оқу бағдарламалаудың негіздерінен бастап жасанды интеллект пен заманауи IT бағыттарын терең меңгеруге дейін толық циклді қамтып, жобалық жұмыс, командалық өзара әрекет және өзара бағалау (peer audit) арқылы жүзеге асырылады.
⏰ Кампус тәулік бойы жұмыс істейді, бұл қатысушыларға оқу кестесін өз бетінше жоспарлауға және оны жұмыс немесе оқумен ұштастыруға мүмкіндік береді.
✨ БҚУ-да кампустың ашылуы өңірлік IT-экожүйені дамытуға, білікті мамандар даярлауға және жастардың цифрлық технологиялар саласындағы мүмкіндіктерін кеңейтуге бағытталған.

#bqu #makhambetuniversity