30.11.2020 ж. М.Өтемісов атындағы Батыс Қазақстан университетінде қысқы емтихан сессиясы қарсаңында білім алушылармен аралық аттестацияны ұйымдастыру және өткізудің негізгі мәселелерін түсіндіру бойынша онлайн кездесу өткізілді. Кездесу барысында академиялық мәселелер бойынша проректордың м.а. Ә.С.Тасмағамбетов, академиялық қызмет департаментінің директоры Г.С.Кайсагалиева білім алушыларға сессияға жіберілу тәртібі, өткізу мерзімдері, емтихандарды өткізу тәртібі мен формалары, бағалау критерийлері және т.б. туралы түсінік берді. Сондай-ақ білім алушылардың қойған сұрақтарына жауаптар берілді.

    02-03.12.2020 ж. факультеттерде және кафедраларда білім бағдарламалары бойынша білім алушылармен онлайн кездесулер өткізілетін болады.