«Заманауи білім беру: жаңа уақыт – жаңа көзқарас»
2022 жылы 30 наурызда «Педагогикалық білім беру потенциалын күшейту» жобасы шеңберінде жоғары оқу орындары мен мектептер арасындағы ынтымақтастықты жетілдіру мақсатында «Заманауи білім беру: жаңа уақыт – жаңа көзқарас» республикалық ғылыми-тәжірибелік конференциясы өтті. Конференцияға Батыс Қазақстан облысының, сондай-ақ Талдықорған, Алматы, Нұр-Сұлтан, Қызылорда, Қаскелең, Павлодар қалаларынан мектеп мұғалімдері, ЖОО, колледж оқытушылары, магистранттар, мектепке дейінгі білім беру ұйымдарының педагогтері, мұғалім-логопедтер қатысты.
Конференцияда келесі бағыттар бойынша негізгі мәселелер қарастырылды: білім беру ортасындағы заманауи педагогикалық технологиялар; инклюзивті білім беру; цифрлық білім беру ортасы; білім алушылардың ғылыми-зерттеу қызметі. 90-нан астам мақала жинақталды. Конференцияның пленарлық отырысында п.ғ.к., деңгейлік бағдарламалар тренері, БҚО Орал қаласының «Назарбаев Зияткерлік мектебі» ДББҰ ПШО директоры Обыденкина Л.В.; п.ғ.к., Қазақстан Республикасы Президенті жанындағы мемлекеттік басқару академиясының Батыс Қазақстан облысы бойынша филиалының директоры Габдрахманова Ш.Т.; б. ғ. к., М.Өтемісов атындағы БҚУ академиялық қызмет департаментінің директоры Кайсагалиева Г.С.; М.Өтемісов атындағы БҚУ білім беру бағдарламаларының жобалық кеңсесінің жетекшісі Джангазиева Б.Ж.; Орал қаласының дарынды балаларға арналған №8 облыстық мамандандырылған мектеп директорының оқу-әдістемелік жұмысы жөніндегі орынбасары Шакаева Д.Ж.; Орал қаласы № 12 ЖББМ жоғары санатты орыс тілі мен әдебиеті пәнінің мұғалімі Наугольнова М.П.; магистр, М. Өтемісов атындағы БҚУ «Мектепке дейінгі және бастауышта білім беру» кафедрасының оқытушысы Мақсотова Т.Т.; жоғары санатты мұғалім – логопед, Орал қаласы №39 ЖББМ КММ педагог-зерттеушісі Лагуточкина В.А. сөз сөйледі. «21 ғасырдағы білім. Жаңартудың үш дискурсы»; «Кәсіби траекторияны басқару мен дамытудың заманауи тәсілдері»; «Қазақстандағы педагогикалық білім беруді жаңғырту жобасы туралы»; «Финляндиядағы педагогикалық білім»; «Бейіндік оқытуды жүзеге асыру траекториясы: тәжірибе және практика» «Қазақстандағы қазіргі білім беру жағдайында мүмкіндігі шектеулі балаларды психологиялық-педагогикалық қолдау жүйесін ұйымдастыру» және т.б.
Конференция қатысушылары баяндамашыларға сұрақтар қойды. Конференция қорытындысы бойынша өзекті мәселелер талқыланып, баяндамашылар ынтымақтастықты жүзеге асыруға ниет білдірді. Конференция жоғары деңгейде өтті.
