2022 жылдың 20 мамырында М. Өтемісов атындағы БҚУ-да "Білім", "Өнер", "Қызмет көрсету" дайындық бағыттары бойынша 2022 жылғы түлектерді жұмысқа тарату бойынша комиссия отырысы өтті. Тарату шарасына БҚО білім басқармасы, БҚО мәдениет басқармасы, Орал қалалық білім бөлімдерінің басшылары және аймақтың барлық білім бөлімдерінің өкілдері қатысты. Отырыс барысында облыс аудандары білім беру бөлімдерінің басшылары мен өкілдері сөз сөйлеп, жұмысқа орналасу мәселесін талқылап, бар бос жұмыс орындары туралы айтты, ЖОО-мен алдағы  ынтымақтастық мәселесін талқылады.