«Оқытудың инновациялық технологияларын енгізу» байқауы жыл сайын ІІ кезеңде, I кезең – факультетте, II кезең – университетте өткізіледі. 2021-2022 оқу жылында байқаудың I кезеңіне 20 инновациялық жоба ұсынылды. Байқаудың I кезеңінің қорытындысы бойынша II кезеңге 12 жұмыс жолданды.

2022 жылдың 21 маусым күні М.Өтемісов атындағы БҚУ профессор-оқытушылар құрамы арасында инновациялық жобалар байқауының II кезеңі өткізілді. Комиссия мүшелері  жобаларды келесі критерийлер бойынша бағалады:

• жобаның мақсат-міндетінің нақтылығы;
• жобаның ғылыми жаңашылдығы;
• инновациялық өнімнің, жоба қорытындысының шынайлығы мен дәлдігін анықтау;
• оқытудың инновациялық технологиясының әдістемелік қамтамасыз етілуінің сапасы;
• оқу үрдісіне инновациялық технологияны енгізу деңгейі (инновациялық технологиямен қамтылған оқу сабақтарының түрлері);
• инновациялық технологияны қолдану барысында студенттердің білім сапасының артуы;
• жаңартылған білім мазмұны аясында инновациялық және қашықтықтан оқыту технологияларын оқу сабақтарында қолдана алуы.

Байқау қорытындысы және комиссия шешімі бойынша 12 жобаның ішінен үздік 6 жоба анықталды, олар I, II, III дәрежелі дипломдармен және қаржылай сыйақымен марапатталды:

• I дәрежелі диплом – қазақ филологиясы кафедрасының аға оқытушысы, магистр  Турганалиева Ганмиркун Ганмирхановна «Көлемді прозалық шығармаларды тиімді оқыту жолдары»;
• II дәрежелі диплом – бейнелеу өнері және дизайн кафедрасының оқытушысы, магистр Пазлышанова Жансая Ниязбаевна «QR-как средство повышения мотивации и автоматизации процесса обучения»;
• II дәрежелі диплом – педагогика және психология кафедрасының  аға оқытушысы, магистр Муканова Нуржанат Ергеновна «ЖОО білім беру үдерісінде Apper мобильді қосымшасын қолдану мүмкіндіктері»;
• III дәрежелі диплом – дүниежүзі тарихы кафедрасының аға оқытушысы, философия докторы (PhD) Әмен Асхат Жангелдіұлы және ҚР тарихы кафедрасының аға оқытушысы Жалекенова Гулбарам Тлеккабыловна «Этнический атлас Западно-Казахстанской области»;
• III дәрежелі диплом – химия кафедрасының оқытушысы, магистр Мукашева Маншук Муратовна «Студенттердің эксперименттік дағдыларын жетілдіруде компьютерлік бағдарламаларды қолдану»;
• III дәрежелі диплом – математика кафедрасының оқытушысы, магистр Бердымуратова Нұргүл Нұрлыбекқызы «Студенттердің эксперименттік дағдыларын жетілдіруде компьютерлік бағдарламаларды қолдану».

Байқаудың қорытынды кезеңі бойынша 8 қатысушыға алғыс хат табыс етілді:

1. Шет тілдері кафедрасының аға оқытушысы Шунайбекова Кльжиан Миндагалиевна «Использование интеллект-карт (Intellekt-Karten) как один из инновационных приёмов обучения немецкому языку»;
2. А/ш.ғ.к., биология және экология кафедрасының доценті Альжанова Багдагуль Сактагановна және аға оқытушы, магистр Бисенгазиева Айман Сериковна «Moodle платформасында тест бағдарламасын жасау және оқу үрдісінде қолдану»;
3. Орыс филологиясы кафедрасының аға оқытушысы, магистр Абузярова Эльмира Разаковна «Использование соцсети instagram при проведении учебной практики первокурсников в дистанционном формате»;
4. Хореография және мәдени-тынығу жұмысы кафедрасының оқытушысы, магистр Еслямғалиев Абылқайыр Мақсотұлы «Мәдени-тынығу жұмысын ұйымдастыру жаңашылдығы»;
5. Экономика және менеджмент кафедрасының аға оқытушысы Буланова Надежда Константиновна «Внедрение активных форм обучения с применением видеохостинга You Tube по дисциплине «Цифровая экономика»»;
6. Мектепке дейінгі және бастауышта білім беру кафедрасының аға оқытушылары, магистр Арыстангалиева Венера Талгатовна және Мақсотова Толқын Тілекқабылқызы «Оқу-тәрбие үрдісінде Quizizz сандық құралын пайдаланудың тиімділігі».

Байқауға қатысушылардың барлығының жұмыстары «Озық педагогикалық тәжірибе мектебі» жинағында жарияланады.

Жаңартпашылық технологиялар және цифрландыру департаментінің
әдістемелік жұмыс және білім беру технологиялары бөлімі