Бейресми білім беруді «Білім туралы» Заңның 37-бабына сәйкес М.Өтемісов атындағы Батыс Қазақстан университетінің Біліктілікті арттыру және қайта даярлау орталығы жүзеге асырады.

Бейресми білім берудің мақсаты – білім беру қызметтерін жүзеге асыру үшін жағдай жасау және адамның біліктілікті арттыру және жаңа білім мен технологияларды меңгерудегі жан-жақты қажеттіліктерін қамтамасыз ету, жастардың, ересектердің және қарттардың жеке және кәсіби құзыреттіліктерін меңгеруіне мүмкіндіктер беру.

Бейресми білім берудің міндеттері:

1) қалыптасқан «түпкілікті білім беру «тұжырымдамасынан» өмір бойы үздіксіз білім беру» тұжырымдамасына көшу;

2) ересектерге олардың танымдық қажеттіліктерін қанағаттандыру мақсатында білім беру сипатындағы қызметтер көрсету;

3) ересектерге қосымша білім берудің білім беру бағдарламаларын, жоғары оқу орнынан кейінгі білім берудің білім беру бағдарламаларын іске асыру;

4) бұрын алған кәсіптік білімдерін, машықтары мен дағдыларын қолдау, кеңейту, тереңдету және жетілдіру үшін азаматтардың біліктілігін арттыру болып табылады;

5) білім алудың ыңғайлы, икемді, дербестендірілген бағыттарын қалыптастыру.

Бейресми білім беруді ұйымдастыру нысандары:

онлайн курстар, мастер-класстар, тренингтер, семинарлар, вебинарлар.

Бейресми білім беру бағдарламалары бойынша оқыту үшін келесі құжаттар ұсынылады:

1) нысан бойынша өтініш;

2) жеке басын куәландыратын құжаттың көшірмесі.

Біліктілікті арттыру және қайта даярлау орталығы оқуды аяқтағаннан кейін үш күн ішінде білім алушыға оқыту нәтижелерін растайтын Сертификат береді.