М.Өтемісов атындағы Батыс Қазақстан университетінде 2024 жылғы 3 қаңтардан профессорлық-оқытушылар құрамға арналған дәстүрлі қысқы мектеп өз жұмысын бастады. Бекітілген бағдарламаға сәйкес қысқы мектеп аясында оқытушылар кәсіби дағдылары мен құзыреттілігін дамытуда жаңа идеяларды талқылап, тәжірибе алмасады. Жұмыс барысында оқытушылар спикерлермен бірге ғылыми-зерттеу жұмыстарын ұйымдастыру, ұлттық баяндама негізінде білім беру бағдарламаларын әзірлеу аспектілері, жас оқытушылардың біліктілігін арттыру жолдары, кредиттік оқыту жүйесіндегі инновациялар, оқытуда жасанды интеллектті қолдану тақырыптарында өзекті мәселелерді талқылайтын болады.