2024 жылғы 28 ақпанда физика-математика факультетінде «Математика, физика және информатиканы оқытудағы ЖОО мен мектептердің өзара әрекеттестігі» әдістемелік айлық аясында «Ұстаз және оның рухани мұрасы» атты оқу-әдістемелік құралдарының авторы физика-математика ғылымдарының кандидаты, профессор А.Е. Кузмичевамен кездесу өтті. Кездесу барысында білім беру ісі мен ғылымның дамуына сүбелі үлес қосқан ғалым, автор студент-магистранттармен өзінің еңбек жолы, педагогикалық жетістіктерімен бөлісе келе, жастарды аянбай еңбек етуге, педагог мамандығын таңдаған білім алушыларға өз тәжірибесін шыңдауда үнемі ізденісте болу керектігін айтты. Сонымен қатар студенттер автордың оқу құралдары мен оқу-әдістемелік құралдары, еңбектерінің жинағы көрсетілген көрмемен танысып, педагогтің жетістігіне куә болды. Айта кету керек, Александра Егоровна осы қара шаңырақтың түлегі, 60 жылдан астам уақыт осы білім ордасында еңбек етіп келеді.