2024 жылдың 23-25 ақпан аралығында Астана қаласында «Central Asia First Championship» атты Орталық Азия елдері қатысуымен робототехника байқауы өтті. Бұл байқауға Біріккен Араб Әмірлігі, Гонконг, Түркия, Қырғызстан, Өзбекстан елдерінен және Қазақстаннан 2 категория FLL Challenge (10-16 оқушылар) бен Tech Challenge (18 жастан жоғары жастағы студенттер мен магистранттар) қатысқан 200-ден астам команда өзара бақ сынасты. Соның ішінде 18 жастан жоғары санат қорытындысы бойынша М.Өтемісов атындағы Батыс Қазақстан университеті физика-математика факультетінің «Toro D’oro» командасы Орталық Азия чемпионатында 104 команданың ішінен жүлделі 3-орын «Champion Award Finalist» арнайы аталымын жеңіп алды.

3-орынды қанжығаларына байлаған 7М01535 Информатика білім беру бағдарламасының 1-курс магистранттары Қырықбаев Нұрбол мен Шымырханова Саяны, 6В01518 Информатика және робототехника білім беру бағдарламасының 2-курс студенттері  Мендешқызы Нұрбақыт пен Иманғазиева Назеркені шын жүректен құттықтаймыз! Алдағы уақытта команда мүшелеріне сәттілік тілей отырып, алар асуларыңыз көп болсын демекпіз!