30 сәуір «М.Өтемісов атындағы БҚУ» КеАҚ Директорлар Кеңесінің төрағасы, ғылым докторы, профессор, жоғары білім саласындағы сарапшы Ә. Бектұрғанов
М.Өтемісов ат. БҚУ-да болып қайтты.
Университеттің арнайы көрмесінде ғалымдарымыз әртүрлі білім салаларындағы ауқымды жетістіктерімен таныстырып, сондай-ақ зерттеулердің басым бағыттары мен ғылыми жаңалықтарымен бөлісті.
Директорлар Кеңесінің төрағасы факультет декандарымен және ББ, бөлім басшыларымен бірге жұмыс процесін жақсартуға бағытталған идеяларды, маңызды мәселелерді талқылады.
“Біздің мақсатымыз-білім берудің жоғары сапасын қамтамасыз ету. Студенттеріміз үшін ең жақсы жағдай жасау маңызды”, - деп
атап өтті Ә.Бектұрғанов.
Университеттің жатақханаларына, атап айтқанда ағымдағы оқу жылында пайдалануға берілген №4 студенттердің жаңа үйіне назар аударылды. Директорлар Кеңесінің төрағасы студенттердің өмір сүру жағдайымен жеке танысып шықты.