М.Өтемісов ат. БҚУ ректоры Н.Серғалиев 24 қараша Түркия Республикасында Мұғалімдер күніне орай түрік тілі оқытушысы Гүлсүн Ероғлыны құттықтап, ЖОО-дағы білім беру үдерісін дамытуға қосқан зор үлесі мен адал еңбегі үшін Алғыс хатпен марапаттады.

Гүлсүн Ероғлу М.Өтемісов ат. БҚУ-да қызмет атқарған 2 жыл ішінде оқу және ғылыми қызметке баға жетпес үлес қосты. 120-дан астам студенттер мен оқытушыларға тіл курсы оқытылды, сонымен қатар маңызды халықаралық бастамалар жүзеге асырылды:

- 6 студент Түркия Республикасының серіктес университеттерінде - Ардахан университетінде және Гази университетінде семестрлік оқудан сәтті өтті;

- академиялық алмасу үшін жаңа мүмкіндіктер ашқан Гази университетімен келісімшартқа қол қойылды;

- оның көмегімен Түркияның Астанадағы Бас консулдығы 2025 жылы БҚУ-да түрік тілі кабинетін ашуды жоспарлады.

Ректор халықаралық білім беру байланыстарын дамытуға және біздің университетте түрік тілін оқыту деңгейін арттыруға қосқан үлесі үшін алғысын білдіріп, одан әрі табыстар мен кәсіби жетістіктер тіледі!