Кітап – адамдардың бір-бірімен қарым-қатынас жасаудағы тілден кейінгі ең кемел құралы. Ол адамның ойын байытып, сауатын жоғарылатып, білім нәрімен сусындатар орта – кітапхана.
Жастарды кітап оқуға тарту арқылы студенттердің тұлғалық дамуына, ой-өрісін кеңейтуге ықпал ету, белсенді оқырмандарды анықтап, ынталандыру мақсатында М.Өтемісов атындағы Батыс Қазақстан университетінің Ғылыми кітапханасы дәстүрлі «Жыл оқырманы» байқауын өткізді.
Биылғы «Жыл оқырманы - 2024» байқауында әртүрлі номинациялар бойынша жеңімпаздар анықталды. «Белсенді оқырман – 2024» номинациясын Математика және физика факультетінің 3-курс студенті Альбина Халиматова, «Ізденімпаз оқырман - 2024» номинациясын Мәдениет және өнер факультетінің 3-курс студенті Минтемир Талғатов, «Өнерпаз оқырман - 2024» номинациясын Педагогика факультетінің 3-курс студенті Тұрғанбек Қосаев жеңіп алды. Бұлан басқа барлық қатысушыларға алғыс хаттар табысталды.
Ең басты «Жыл оқырманы - 2024» номинациясының жеңімпазы «Махамбет үздіктері» марапаттау шарасында анықталады.
Бұл байқау студенттер арасында кітап оқу мәдениетін насихаттап, олардың білімге деген қызығушылықтарын арттыруға зор үлес қосуда.