Махамбет университетінде Әзірет Сұлтан мешітінің наиб имамы, РАНТ мүшесі Тамирлан Ибраевпен кездесу ұйымдастырылды. Кездесу барысында басты тақырып ретінде «Білім алудың артықшылығы» аталып, студент жастарға діни сауаттылықтың маңызы мен білім алудың құндылығы талқыланды.
Имам Тамирлан Ибраев жастарға білімнің тек ғылыми ғана емес, рухани тұрғыда да адам өмірінде ерекше орнын алатынын атап өтті. Ол діни білім мен ғылыми білімнің өзара байланысы, адамды жан-жақты дамытудағы рөлі жөнінде сөз қозғады. Сонымен қатар білім алудың адамға тек кәсіби тұрғыдан ғана емес, рухани дамуда да көп пайда әкелетінін айтты.
Кездесу барысында студенттер имамға өздерін қызықтырған сұрақтарды қойып, діни сауаттылықты арттыруға бағытталған маңызды кеңестер алды.