2024 жылдың 14 қазаны мен 1 қарашасы аралығында университеттің Әлеуметтік зерттеулер орталығы «М. Өтемісов атындағы БҚУ студенттерінің қабылдауындағы саясат, ұлтаралық қатынастар және дін» жобасы аясында кезекті онлайн әлеуметтік сауалнама жүргізді.

Бұл зерттеудің мақсаттары:

1) БҚУ студенттерінің саяси бағыты мен бейімділігін, олардың қоғамдық-саяси болмысын және студенттер арасындағы патриоттық сезім деңгейін анықтау;

2) студенттердің ұлтаралық қатынастарды қабылдау ерекшеліктері мен дінге деген көзқарастары.

Онлайн әлеуметтік сауалнамаға барлығы 1524 респондент қатысып, толтырылған 1524 сауалнама компьютерде өңделді.

Зерттеу нәтижелері бойынша егжей-тегжейлі аналитикалық есеп дайындалып, университет басшылығына және факультет декандарына жолданды.

Қазіргі уақытта «М.Өтемісов атындағы БҚУ білім алушыларының әлеуметтік әл-ауқатын бағалау» жобасы шеңберінде студенттер мен магистранттарға онлайн-сауалнама аяқталуда және «М.Өтемісов атындағы БҚУ оқытушыларының әлеуметтік әл-ауқатын бағалау» жобасы аясында сауалнама жүргізілуде.