Қазақстан Республикасы Президентінің 2022 жылға арналған стипендиясын жоғары оқу орындары арасында бөлу бекітілді

Құрметті білімалушылар! Қазақстан Республикасы Президентінің 2022 жылға арналған стипендиясын жоғары оқу орындары арасында бөлу бекітілді. М.Өтемісов атындағы Батыс Қазақстан университетінің бакалавриат студенттеріне 20 стипендия бөлінді.

Президенттік стипендияға үміткерлер бүкіл кезеңінде оқудың жоғары нәтижелеріне қолжеткізген күндізгі оқу нысанының жоғарғы курс (3-4,5-курстар) студенттері, яғни GPA 3.6-4.0 және "А-" және "А"бағаларының әріптік баламалары бар оқу үздіктері бола алады. Сондай-ақ ғылыми-зерттеу, қоғамдық және спорттық-мәдени қызметте айтарлықтай жетістіктерге қолжеткізген болуы қажет.

Президенттік стипендияға үміткерлер іріктеу комиссиясына мынадай құжаттарды: мінездемені, транскрипт, атаулы дипломдардың, грамоталардың, алғыс хаттардың, ғылыми-зерттеу жұмысының нәтижелерін және университеттің қоғамдық және спорттық өміріне қатысқандығын растайтын сертификаттардың көшірмелерін, факультет кеңесі отырыстарының хаттамаларының көшірмелерін ұсынады.

Тапсыру мерзімі 16.05.2022 ж.