Біздің университет – облыстың ірі жоғары оқу орындарының және оқу-ғылыми орталықтарының бірі.

М.Өтемісов атындағы Батыс Қазақстан университетінің ерекшелігі оның бай шежіресінде – бұл университет Қазақстан Республикасының көне жоғары оқу орындарының бірі. 2021 жылы университетке 89 жылтолады. Осы жылдар ішінде университет облыстың және бүкіл республиканың өмірбаянына көптеген даңқты беттерді жазды. Батыс Қазақстан облысының ғылымы, білімі, экономикасы мен мәдениетін дамытудағы ЖОО-ның баға жетпес рөлі туралы мақтанышпен айтуға болады.

Жоғары оқу орнының қабырғасынан шыққан 70 мыңнан астам жоғары білікті маман – біздің баға жетпес мұрамыз, кәсіби және рухани байлығымыз. Бүгінгі күнде М.Өтемісов атындағы  Батыс Қазақстан университеті – Батыс Қазақстан облысының педагогикалық білім беру саласының флагмандарының бірі болып табылады және еңбек нарығында бәсекеге қабілетті, әр түрлі салаларда сұранысқа ие кең бейінді мамандарды дайындайды.

Университет ректораты табысты оқу және жемісті шығармашылық үшін барлық қажетті жағдайларды жасауға ұмтылады. БҚУ-ға қош келдіңіз!

Серғалиев Нұрлан Хабиболлаұлы, 
М.Өтемісов атындағы БҚУ Басқарма Төрағасы - ректор, 
биология ғылымдарының кандидаты, профессор