1. Оқу жылы басталар алдында студент қашықтықтан жұмыс істеу үшін Platonus (Тапсырмалар) автоматтандырылған ақпараттық жүйесінде оқудан өтуге міндетті. Ол үшін белгіленген уақытта студент қашықтықтан оқыту орталығына келуі керек. Оқудан өткені туралы белгі қойылмай, білім беру платформасына рұқсат берілмейді.

2. Оқыту бойынша барлық ақпаратты орталық әдіскерлері электрондық поштаға жібереді. Байланысты   осы арқылы берілген электрондық пошта дұрыс болуы керек. Сонымен қатар студенттер  бірнеше байланыс телефондарын берулері қажет.

3. Оқу үрдісі кестеге сәйкес оқу қызметінің келесі түрлерін қамтиды:

• оқу сабақтары - педагогикалық мамандықтар, құқық, хореография, музыкалық өнер үшін күндізгі оқытудың 80% және қашықтықтан оқытудың 20% көзделеді. Университеттің қалған мамандықтары бойынша 50% күндізгі және 50% қашықтықтан оқыту қарастырылған;
• тәжірибе (кәсіби дағдыларды алу үшін) - күндізгі;
• аралық аттестаттау - күндізгі;
• мемлекеттік қорытынды аттестаттау- күндізгі.

4. Оқу үрдісінің кестесіне сәйкес емтихан сессиялары жылына екі рет өткізіледі.
5. ҚР 2015 жылғы 23 қарашадағы № 414-V Еңбек Кодексінің 98-бабына сәйкес қызметкерлерге, білім беру ұйымдарында білім алушыларға оқу демалыстары беріледі:

•  сынақтар мен емтихандарды дайындау және тапсыру;
•  дипломдық жұмысты (жобаны)дайындау және қорғау;
•  қорытынды мемлекеттік емтихандарды тапсыру үшін.

6. Өз бетіңізше жұмыс істеген кезде оны пайдалану үшін керек:

• пән бойынша бағдарлама және әдістемелік нұсқаулар;
• ұсынылған оқу және анықтамалық әдебиеттермен;
• М. Өтемісов атындағы БҚУ Ғылыми кітапханасы  library.wku.edu.kz

7. Студенттер апта сайын сабақ кестесіне сәйкес (wku.nnsoft.kz//timetable) дәрістерге қатысып, Platonus (Тапсырмалар) ақпараттық жүйесіндегі тапсырмаларды орындауы тиіс https://platon.nnsoft.kz / сондай-ақ емтихан сессиясына рұқсат алу үшін оқу жоспарына сәйкес пәндер бойынша бақылау және курстық жұмыстар жүргізіледі. Ақпараттық жүйеде орындалған тапсырмаларды тексеруді оқытушылар апта сайын электрондық журналға балл қоя отырып жүргізеді.
8. Емтиханға тек оқу ақысы бойынша қарызы жоқ және рейтинг алған студенттер ғана жіберіледі (емтихан тапсыру үшін өту балы). Емтихан сессиясына дәлелді себептермен келмеген студентке (ауру, босану, ауруханаға жатқызу, жақын туысының жерлеу рәсімі) қосымша емтихан тапсыру мерзімі тағайындалады. Ол үшін деканға дәлелді себептер мен растайтын құжаттарды көрсете отырып, ұзарту туралы өтініш жазылған өтінішпен жүгіну қажет. Сессияға уақтылы қатыса алмайтындығы туралы әдіскерлерге хабарлау ұсынылады.

9. Студент келесі курсқа өту үшін оқу жоспарында көзделген барлық емтихандарды тапсырған жағдайда келесі курсқа ауыстырылады.
10. Студент университеттен келесі негіздер бойынша шығарылуы мүмкін:

• өз еркімен;
• академиялық үлгерімсіздігі үшін;
• Шарт талаптарын орындамағаны үшін.

11. Орталықтың әдіскерлерінен Сіз мыналарды ала аласыз:

• Platonus ААЖ-да (Тапсырмалар) ақпараттық  жұмыс процесінде  кеңес беру;
• әр түрлі құжаттарды толтыруға көмек.

Қашықтықтан оқыту орталығы: Орал қ., БҚО, Студенттік көшесі 1, 8-корпус, каб. 212, 213

тел. (87112) 51-07-52